Nəsimi rayonu, 7-ci mikrorayon, Zərifə Əliyeva parkının yaxınlığındakı zeytunluq məhv olmaq üzrədir.

Virtualaz.org saytı xəbər verir ki, bu barədə tanınmış vəkil Namizəd Səfərov sosial şəbəkədəki səhifəsində yazıb.

Vəkil bildirib ki, zeytun bağında ağaclar qırılaraq yerində obyektlər tikilir: “Zeytun bağının axırına çıxmaq üzrədirlər. Zeytunluqdakı son ağacı kəsib yerində obyektlər tikməyincə sakitləşməyəcəklər. İndiyədək bağın içində yüzlərlə ağac kəsilib. Hazırda isə 100-dən çox ağacı kəsirlər. Deyilənə görə, zeytun bağının yerində şadlıq sarayı tikiləcək”.

Vəkil Bakı Şəhər İcra Hakimiyyətinin başçısı Hacıbala Abutalıbova müraciət edib: “Bəlkə o əraziləri hansı mafioz və ya milli xəyanətkar bu günə qoyur ? Görəsən, Bakı şəhərinin meri cənab Abutalıbov buna nə deyir?”