"GOLD PALACE 2022” Məhdud Məsuliyyətli Cəmiyyəti (Gold Palace Şadlıq Sarayı) barəsində operativ vergi nəzarəti çərçivəsində iki maliyyə sanksiyası tətbiq olunub.
Əmək müqavilələrinin hüquqi qüvvəyə minməməsi ilə bağlı tərtib olunan AKT-a əsasən 10 000 manat, əhali ilə pul hesablaşmalarında pozuntuya görə isə 1 000 manat cərimə edilib.
Şirkətin vergi borcu 7 417 manatdır. Nizamnamə kapitalı 50 manat olan MMC-nin qanuni təmsilçisi Toğrul Nağızadə Rövşən oğludur.
Qeyd edək ki, Toğrul Nağızadə həmçinin "Rövşanoğlu Holdinq”in təsisçisidir. Holdinqin tərkibinə "Rövşənoğlu Tarla” MMC, "Rövşənoğlu Bağları” MMC, "Smart Trade” MMC, "FERAS KİMYA ZİRAİ ILAÇ”, "Luxoil Group” MMC, "Rövşənoğlu İnşaat” MMC, "Rövşənoğlu İstilikxana” MMC, "Rövşənoğlu Plast” MMC, "Agronext Kimya”, "Rövşanoğlu Toxumçu” MMC və "Multi Tohum Tarım” şirkətlərinin distribyutoru kimi fəaliyyət göstərən qurumlar daxildir. 2023-cü ildən "Gold Palace Şadlıq Sarayı” və "Oscar Az Sement Zavodu” MMC də holdinqin tərkibində fəaliyyətə başlayıb.