Əldə etdiyimiz məlumata görə, söhbət Tbilisi prospektində yerləşən “Həzz Dönər” evindən gedir.

Redaksiyamıza müraciət edən vətəndaşın göndərdiyi fotolardan aydın olur ki, müəssisədə çörəklər kondisionerin üzərində saxlanılır. Bu, sanitar normalara zidd davranış isə istehlakçıların sağlamlığı üçün ciddi təhlükə yaradır.

Məsələ ilə bağlı “Həzz Dönər”lə əlaqə saxladıq. Müəssisənin əməkdaşıbildirdi ki, çörəklər hər gün sübh tezdən, səhər saat 7-8 arası kondisionerin üzərinə qoyulur:

“1-2 saat-filan qalır, saat 9-da mən işə gəlib onları götürürəm. Salafanda olur, heç yerə dəymir. Amma yer tapıb qoyarıq. Orada olmaz bir də”.

Azad İstehlakçılar Birliyinin sədri Eyyub Hüseynovbildirib ki, bu hal “soyuq zəncir” sisteminin pozulmasıdır:

“Qida xammalı istehsalçıdan istehsal müəəssisəsinə qədər soyuq zəncir üzrə hərəkətdə olmalıdır. Soyuq zəncir harda pozuldusa, o qida artıq çirklənmiş olur. Belə bir vəziyyətdə çörəyin saxlanılması soyuq zəncir sisteminin pozulmasıdır və xammaldan hazırlanan istənilən qida çikrlənmiş hesab edilir. Bu isə ciddi xəstəliklərə səbəb ola bilər”.