Azərbaycan Respublikası Milli Məclisinin deputatı Elman Nəsirov 23 noyabr 2024-cü il tarixində 72 saylı Cəlilabad kənd seçki dairəsinə daxil olan Mikayıllı, Buravar və Kövüzbulaq kənd sakinləri ilə görüş keçirmişdir. Görüşdə Mikayıllı kənd sakinləri - Nağıyev Əliqismət, Həsənov Allahşükür, Nağıyev Fərahim, Əliyev Nürəddin, Məmmədov Cabir, Əliyev Nail, Kövüzbulaq kənd sakini - aprel döyüşləri qazisi Səlimov Səhman və Buravar kənd sakini – Kazımov Həbib çıxış edərəl onların sosial problemlərinin həlli istiqamətində göstərdiyi böyük diqqət və qayğıya görə ölkə Prezidenti cənab İlham Əliyevə öz təşəkkürlərini ifadə etdilər.
Seçicilər əsasən kəndlərin elektrik sisteminin müasirləşdirilməsi, yol infrastrukturunun qurulması, mavi yanacaq və içməli su ilə təminat, torpaq sahələrinin sənədləşdirilməsi və əkin sahələri üçün subsidiyaların  ayrılması ilə əlaqədar müraciətlər etdilər. Qaldırılan məsələlərin bir hissəsi yerindəcə öz həllini tapdı.
Deputat Elman Nəsirov həllini tapmayan məsələlər ilə bağlı aidiyyatı üzrə müvafiq qurumlara müraciət edəcəyini bildirdi.
 шаблоны для dle 11.2