"30 ildən sonra işğaldan azad olunmuş Ağdam şəhərindəyik. Ağdamın yenidən qurulmasına şahidlik etmək bizlərə də nəsib olar. Burada olduğumuz üçün qürur hissi keçiririk".

"Mediatv.az" xəbər verir ki, bu barədə Türkdilli Dövlətlərin Əməkdaşlıq Şurasının nümayəndələrinin Ağdama səfəri çərçivəsində Türkiyənin ticarət nazirinin köməkçisi Mustafa Tuzcu jurnalistlərə açıqlamasında deyib.

“Türkiyə Ağdamdakı quruculuq işlərinin də ən böyük dəstəkçisi olacaq. Buranın azad olunmasında canlarından keçən şəhid və qazilərimizi ehtiramla anırıq. İnşallah, Ağdam yenidən “Ağ dam”, “Bəyaz ev”, “Bəyaz saray” olar”, - deyə nazir köməkçisi vurğulayıb.