ATƏT-in Minsk Qrupunun fransalı həmsədri səfir Stefan Viskonti dekabrın 11-12-də Azərbaycanda səfərdə olub.

Mediatv.az xəbər verir ki, bu barədə Fransanın Azərbaycandakı səfirliyindən verilən məlumatda deyilir.

Məlumatda qeyd olunur ki, bu, S.Viskontinin Hamburq şəhərində ATƏT-in Nazirlər Şurasında hər iki həmsədr həmkarları ilə birlikdə iştirakından bir neçə gün sonra və vəzifəsinin icrasına başladıqdan sonra regiona ilk səfəridir.

Həmsədr Azərbaycan Prezidenti İlham Əliyev tərəfindən qəbul edilib. Eləcə də xarici işlər naziri Elmar Məmmədyarovla görüşüb.

Səfirlikdən verilən məlumatda bildirlir: “Bakıya bugünkü səfəri zamanı səfir Viskonti Dağlıq Qarabağ münaqişəsinin qərəzsiz və ədalətli həllinin asanlaşdırılması üçün ABŞ və Rusiya Federasiyası ilə birlikdə Fransanın öz səylərini davam etdirəcəyi barədə qətiyyətli öhdəliyini bir daha bildirib”.