"Rusiya toqquşmaların baş verməsi prosesində maraqlı idi".

Bunu politoloq Qabil Hüseynli deyib. O bildirib ki, hər dəfə toqquşmalardan sonra Rusiyanın Ermənistana təsirləri artır:

"Sülh müqaviləsi ilə bağlı növbəti görüşün Moskvada keçirilməsi də məhz bu toqquşmalardan sonra qərara alınıb. Bir sözlə, sülh prosesi davam etsə də, onun nə qədər effektiv olduğunu demək bir qədər çətindir. Rusiya indi öz iştirakı olmadan keçirilən görüşlərdə əldə olunan nəticələrə zərbə vuraraq sülh prosesini pozub.

Biz indiyədək Avropa İttifaqının və Amerika Birləşmiş Ştatlarının (ABŞ) sülh prosesində iştirakına meyilli olmuşuq və bunun müsbət nəticələrinin olacağına inanmışıq. Rusiyanın Qarabağ məsələsində tutduğu mövqe Azərbaycanı təmin etməyən və sülh prosesini pozan amillərdən biri idi. İndi isə görək, Rusiya bu dəfə Qarabağ məsələsində Azərbaycanın suverenliyi ilə bağlı hansı mövqeni tutacaq. Hər halda, mən onlardan pozitiv bir addım gözləmirəm. Zənnimcə, həm Ermənistan, həm də Azərbaycan ABŞ və Aİ-nin birgə həyata keçirmək istədiyi vasitəçilik səylərinə daha çox meyillidirlər", - deyə o qeyd edib.шаблоны для dle 11.2