Ağciyər xərçənginin 10 əlaməti - Başqa xəstəliklərlə səhv salınır

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Sağlamlıq (21-02-2019, 13:30)
Ağciyər xərçənginin 10 əlaməti - Başqa xəstəliklərlə səhv salınır

Amerika Onkoloji Xəstələr Birliyinin məlumatlarına görə, ağciyər xərçəngi digər ağciyər xəstəliklərinin simptomları ilə səhv salındığından xəstələr tərəfindən gec mərhələdə aşkarlanır.
Mediatv.az Medicina.az-a istinadən ağciyərdə şiş olmasına şübhə yaradan əlamətləri təqdim edir.
1. Qanlı öskürək
Hər dəfə öskürək tutmaları zamanı bronxlardan qanlı, açıq çəhrayı və ya rəngini dəyişmiş bəlğəm gəlirsə, təcili həkimə getməlisiniz.
2. Səbəbsiz arıqlama
Qısa müddətdə çəki itirilməsi xərçəngin əlamətlərindən biridir.
3. Sümüklərdə ağrılar
Bu zaman sanki sümüklərin içi ağrıyırmış kimi hisslər keçirilir. Sümüklər metastaza həssas orqanlardır. Bu ağrı artritdə də ola bilər, ağciyər problemində də. Ona görə ayaq, bel, çanaq ağrılarında təkcə sümük rentgeni yox, ağciyərləri də yoxlatmaq lazımdır.
4. Döş qəfəsində ağrı
Əgər nəfəs alıb verəndə ağrı hiss edilirsə, mütləq ağciyərlər yoxladılmalıdır. Bəzən bu ağrı ürək ağrısı ilə səhv salınır.
5. Xroniki respirator problemlər
İnsan respirator xəstəliklərə yoluxanda, pnevmoniya olanda bir müddət sonra xəstəlik geri çəkilir, müalicəyə tabe olur. Ağciyər xərçəngində insan bu xəstəliklərə tez-tez yoluxur, amma keçib getmir, aylarla onunla qalır.
6. Sinədə xırıltı, xışıltı
Ağciyərlərdə hava axını dolaşanda daxildən xırıltı səsi gəlir. Bu fit kimi səs həkimi şübhələndirməlidir.
7. Səsin dəyişməsi, boğuqluq
Sağlam ağciyərləri olan insan aydın, təmiz səslə danışır. Amma xərçəngin elə birinci mərhələsində xəstənin səsi dəyişir, səs xırıltılı olur, boğuq tonda danışır. Həkim boğaz, qırtlaq, ağciyərləri tam yoxlamalıdır ki, səsdəki bu dəyişikliyin səbəbini dəqiq tapsın.
8. Xroniki yorğunluq
Artıq onkologiyaya tutulmuş insan əzgin, yorğun, halsız olur. Səhərlər taqətsiz oyanır, bir işin arxasınca getmək istəmir, heç nəyə həvəsi olmur. Yüngül bir iş gördükdə tez yorulur, uzanmaq istəyir. İştahı qaçır. Əvvəlki rejiminin öhdəsindən gələ bilmir. Üstəlik təngnəfəslik yaranır.
9. Mövsüm allergiyaları bitmir
Əslində qəribə əlamətdir. Çünki bu allergiyalardan çox insan əziyyət çəkir. Allergiyalı insan yazda havada çiçək tozlarından zərər çəkir. İmmun sistem dərhal reaksiya verir. Sinuslar dolur, fit kimi küy gəlir. Nəfəs ala bilmir. Əgər bu kimi mövsümi allergiya əlamətləri zamanla itmirsə, azalmırsa, o zaman ağciyərlər üzrə həkimə müraciət etmək lazımdır. Bu zaman daqnozda ağciyər xərçəngini istisna etmək lazımdır.
10. Döş qəfəsinə yaxın limfaların şişməsi
Ümumiyyətlə, xəstənin limfa düyünləri tez-tez şişirsə, bərkiyirsə, ölçüsü böyüyürsə, ətraf orqanlar diqqətlə müayinə olunmalıdır.
Qeyd: Günə 2 qutu və artıq siqaret çəkən istər qadın, istər kişilər ildə bir dəfə ağciyərlərini tam müayinə etdirməlidir. Onların ağciyər xərçənginə yoluxma riski 54% çoxdur.