ATU-nun Tədris Cərrahiyyə Klinikasında yeni bir “Uğur” daha gerçəkləştirilir. 23 həftəlik,650 qr çəki ilə yenidoğulmuşun həyatda saxlanılması Azərbaycanda ilk dəfə olaraq ATU-nun Tədris Cərrahiyyə Klinikasında gerçəkləşdirildi.

Son bir ayda hər kəsin diqqəti bir ay öncə 23 həftəlik 650qr çəki ilə dünyaya göz açan, həyatdan bərk-bərk tutunaraq “Həyatda mən də varam” deyən Yusifin üzərindədir.

Klinikamıza 19.06.2015 tarixində 23 həftəlik hamiləliklə körpəsini itirmə təhlükəsi iləümidsiz şəkildə hamilə qadınmüraciət etmişdir. Aparılan müayinələr zamanı dölyani mayenin tam axdığı aşkar edilmişdir. Buna da çıxış yolu ancaq hamiləliyi sona çatdırılması idi. Klinikamızın həkim Mama-ginekoloqu Dr. Abbasova Nigar və həkim-neonatoloqu Dr. Yaqubova Səadət xanimın apardığı müayinələr nəticəsində dölün həyat fəaliyyətinin davam etdiyi aşkar edilmiş və doğuş aparılmışdır. Yenidoğulmuşun çəkisi 650 qr,ümumi vəziyyəti kritik idi. Dərin morfofunksional yetməməzlik fonunda uşaqda tənəffüs pozğunluğu əlaməti ön planda idi. Respirator distress sindromu müşaidə olunurdu. Bütün xəstəxana yaşama ehtimalı çox aşağı olan körpənin həyat mücadiləsində ona dəstək olaraq, klinikanın bütün imkanlarındanistifadə edərək, onu həyatda tutmağa nail oldular. Neonatologiya şöbəsinin müdiri Səadət Yaqubovanın rəhbərliyi ilə aparılan reanimasiya tədbirləri nəticəsində körpə artıq 33 gündür yaşayır. Vəziyyəti bu  müddət ərzində bir neçə dəfə kəskin pisləşsədə , hal-hazirda qənaətbəxşdir. Hal-hazırda balaca Yusifin çəkisi çəkisi 1020 qr-a keçmişdir.

Xalqımızdan təmənnamız Yusifimizin digər sağlam körpələr kimi sağlam və gumrah olması üçün bizimlə bərabər dua etməsidir.