Göygöldə Şəhidin statusu ailəsindən xəbərsiz ləğv edilib - NARAZILIQ!

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Region / Slayd (16-03-2021, 17:11)
Göygöldə Şəhidin statusu ailəsindən xəbərsiz ləğv edilib - NARAZILIQ!

Göygöl rayonun sakini Seymur Nəcəfov Əlifala oğlu "Mediatv.az"-a müraciət edərək bildirib ki, 1993-cü ildə Birinci Qarabağ döyüşlərində şəhid olan qardaşı Yəhya Nəcəfovun şəhidlik statusu ailəsindən xəbərsiz ləğv edilib. Maraqlısı budur ki, Yəhya Nəcəfov Şəhidlər Xiyabanında dəfn edilməsinə və şəhidliklə bağlı bütün sənədlər qaydasında olmasına baxmayaraq Apellyasiya Məhkəməsinin hakimi Afiq Hüseynzadə onu qismən şəhid olmasıyla bağlı qərar qəbul edib:

“Qardaşım Yəhya Nəcəfov 1993-cü ildə Birinci Qarabağ döyüşləri zamanı şəhid olub. Günlərin birində Göygöl rayonunda şəhidlər üçün nəzərdə tutulmuş lövhəyə baxanda qardaşımın adının orda olmadığını gördüm. Göygöl rayonu üzrə Səfərbərlik xidmətinə getdim. Mənə qardaşımın şəhidlik statusunun götürüldüyünü dedilər. Dedilər ki, Müdafiə Nazirliyində yaradılmış komissiya həlak olmuş hərbçiləri kateqoriyalara bölüb: Erməni gülləsindən həlak olan, mina partlayışı nəticəsində həlak olan və ya səhlənkarlıq nəticəsində həlak olan. Həmin yaradılmış komissiya da mənim qardaşımın şəhidlik statusunu ləğv edib. Qardaşım şəhid olmamışdan öncə Murov istiqamətində döyüşlərdə iştirak edib. Döyüşlərdən qayıdıb aşağıda təlim keçiblər. Həmin vaxt komandirlərinin səhlənkarlığı nəticəsində 18 hərbçi şəhid olub. Əllərində mina açılıb və hərbçilər həlak olub. Komandir də daxil olmaqla, həmin vaxt digər həlak olan hərbçilər də şəhidlik statusu daşıyır. Amma, mənim qardaşımın şəhidlik statusu bizdən xəbərsiz ləğv edilib. Bizim rayondan həmin an qardaşımla bərabər ümumilikdə üç nəfər şəhid olub. Digər iki nəfərin hazırda şəhidlik statusu qalır.

Amma, tək qardaşımın şəhidlik statusu götürülüb. Qardaşım hazırda da Şəhidlər Xiyabanında digər şəhid olan hərbçilərlə yanaşı dəfn edilib. Qardaşımla həlak olan digərləri bəs necə şəhidlik statusu daşıyır?…Bildirirlər ki, onların ailələri Sosial Müdafiə nazirliyinə pul verib, şəhidlik statusu alıb. Bunu mənə Göygöl rayon Hərbi Səfərbərlik üzrə Xidmətdən deyiblər. Sosial Müdafiə nazirliyindən də belə deyilir. Hazırda anamın əlində qardaşımın şəhid olmasıyla bağlı üç sənəd var. O vaxtlar şəhidlik statusunu rayon icra hakimiyyəti verib. Bütün sənədlərimiz qaydasındadır. Onların dediyindən belə çıxır ki, əvvəl qardaşım şəhid olub, hazırda isə şəhid sayılmır. Belə çıxır ki, 44 günlük müharibədə şəhid olanlar da beş-on ildən sonra şəhid sayılmayacaq…Bununla bağlı hər yerə müraciət etmişəm. Məhkəməyə verdik. Gəncə Apellyasiya məhkəməsi də şəhid anasını aldadıb. Hakim Afiq Hüseynzadə anama deyib ki, get qərar 15 günə evindədir. 15 gündən sonra qərar gəlib. Qərarda qeyd edilib ki, şəhidlik statusu qismən təmin edilsin. Yarımçıq şəhid görmüsünüz?…Belə çıxır ki, biz yarımçıq şəhid ailəsiyik. Ya ümumiyyətlə şəhidlik statusu ləğv edilsin, ya da bizdən xəbərsiz ləğv edilən şəhidlik statusu təmin edilsin. Hakimə bildirdim ki, qardaşım şəhidlər xiyabanında dəfn edilib. Əgər, şəhid deyildisə orda niyə dəfn edilib?…Mənə deyir ki, şəhidlər üçün dövlət tərəfindən verilən pulu almamısınız. Almamışamsa, dövlətimə qalıb. Dövlət tərəfindən şəhid ailəsi üçün ayrılan pulu da mənimsəyiblər. Müraciət etmədiyimiz yer qalmayıb. Müdafiə nazirliyindən də bildirirlər ki, məhkəmədən qərar al gətir. Anam qardaşım şəhid olandan sonra sağ gözünü itirib. Şəhid analarına üzümü tutub deyirəm ki, ehtiyyatlı olun. Beş-on ildən sonra sizi də eyni aqibət gözləyir. Müdafiə nazirliyinin verdiyi sənəddə qeyd olunur ki, qardaşım hərbi xidmətini yerinə yetirərkən şəhid olub. Qardaşım mülki şəxs olmayıb axı…Əynində hərbi formada müharibədə şəhid olub”.