Yaşının üstünə yaş gələn yazıçı doğum günü təəssüratlarını AzVision.az-a bölüşüb. Xalq yazıçısı saytımıza müsahibəsində çox maraqlı və ciddi məqamlara toxunub, gələcək fəaliyyətindən söz açıb:

-Bu gün mən hələ 56 yaşıma qədəm qoymuram. Hələ bir 40-50 il yaşamaq istəyirəm. Həyatımda tez-tez dəyişkiliklər baş verir. Son 6 gündə razılığımla məni “Neftçi” futbol klubunun prezidenti seçiblər. İndi bu klubun işləri ilə məşğul oluram. Çox sevinirəm ki, mən şəhərim, xalqım və sevimli kubum üçün bir köməklik edə bilərəm. Mənə edilən bu etibara görə çox sevinirəm. İstəyirəm ki, bu etibarı doğruldum.

Bu yaş yazıçı üçün ömrün ən gözəl vaxtıdır. 56 yaş! Yəni sən hələ müdriksən, hər şeyi dərk eləyirsən. Digər tərəfdən bu yaşda cavanlıqda edilən axmaqlıqlar olmur. 50 yaşdan sonra adam bir az sakitləşir. İnanıram ki, hələ ən gözəl kitablarımı da bundan sonra yazacağam. 

- Ürəyimdə demədiyim heç nə qalmayıb. Nəyi fikirləşirəm onu da deyirəm. Heç vaxt mövqeyimi dəyişməmişəm. Dəyişən də deyiləm. Bu yaşımda da nəyi fikirləşirəmsə, onu da yazıram. Heç vaxt yolumdan da dönməmişəm. Həmişə ürəyimdəki sözləri açıq-aşkar demişəm. Heç kəsdən də çəkinməmişəm. Bəlkə də bu mənim ən böyük uğurumdur. Mənim bu möqeyimə inandıqlarına görə milyonlara oxucu bu gün əsərlərimi oxuyur.

-Mən istəyirəm ki, ailəm xoşbəxt olsun. Əgər bu gün mən Allahla görüşsəydim, ona bir söz deyərdim: Çox sağ ol. Daha heç nə deməzdim. Qurban olum Allaha. Ondan heç nə istəmirəm. Yeganə bir istəyim var ki, uşaqlarım, həyat yoldaşım sağ salamat olsun. Bundan başqa heç nə istəmirəm. Allah mənə nə veribsə, ona da min şükür! 

-`Əclafların qanun`ları hələ də işləyir. Təəssüflər olsun ki, əclaflar hələ çoxdur. Ona görə də onların qanunları işləyir. Pul hər şeydən üstündür. Əclafların sayı azalmır. Daha da çoxalır. Onlar həmişə olub, indi də var. 

- Dronqo 50 yaşa qədər mənimlə birlikdə qocalırdı. Sonra mən onu qocalmağa qoymadım. İndi qocalıram, o isə cavan qalır. Mən indi 3 il yaşayıram. O isə bir il yaşayır. Ona görə də onu lap qocalda bilmərəm. İndi o qadınların xoşuna gəlir. Mən isə xoşlarına gəlmirəm. Yavaş-yavaş keçəlləşmiş, ağıllanmış və qocalmışam. Amma o hələ də qadınların xoşuna gəlir. Həm də onu heç yerə göndərməyəcəm. O belə də qalacaq. 

-Bu çox maraqlı sualdır. Onun üzərində fikirləşərəm. İlham Əliyevi çox yaxşı tanıyıram. Onu hələ prezident olmamışdan öncədən tanıyırdım. Atasından yazmışam. Görünür vaxt tapıb oğlundan da yazmalıyam.

-Mən gənclik illərimdən “Neftçiyə” azarkeşlik etmişəm. Həmişə onu sevmişəm. Anam da bakılıdır. Atam isə Qarabağlıdır. Mən danışanda da bakılı olduğum hiss olunur. Həmişə bakı ləhcisi ilə danışıram. Həmişə fəxr etmişəm ki, Bakıda böyümüşəm və indi “Neftçi” klubunun rəhbəriyəm. Heç vaxt ağlıma gəlməzdi ki, nə vaxtsa “Neftçi” klubunun başçısı olacağam. Mənə o vaxtlar desələrdi ki, Azərbaycanın Xalq yazıçısı olacağam, ömrümdə ağlıma da gəlməzdi bu. Düşünməzdim ki, heç vaxt belə bir böyük səviyyə qalaxa bilərəm. 

Qeyd dək ki, Çingiz Abdullayev 1959-cu il aprelin 7-də Bakı şəhərində ziyalı ailəsində anadan olub. O, 2009-cu ildə prezidentin sərəncamı ilə “Şöhrət” ordeni ilə təltif edilib.

2014-cü ilin noyabr ayından İnterpolun fəxri səfiridir. Bu ilin martın 30-dan isə yazıçı “Neftçi” Futbol Klubunun Müşahidə Şurasının sədridir.