Mediatv.AZ xəbər verir ki, bu sözləri Editor.az-a açıqlamasında Daşkəsən rayon İcra Hakimiyyətinin başçısı Əhəd Abıyev söyləyib.

Xatırladaq ki, bəzi xəbər saytlarında xalq yazıçısı Çingiz Abdullayevin “Neftçi” futbol klubuna rəhbər seçilməsindən sonra Daşkəsən rayon İcra Hakimiyyətinin başçısı Əhəd Abıyevin rəhbərlik etdiyi rayonda onun kitablarının satışına qadağa qoyulmasına dair informasiya yayılıb.

İnformasiyada qeyd olunur ki, Əhəd Abıyev həmyerlisi, “Xəzər Lənkəran” futbol klubunun sahibi Mübariz Mənsimovun xatirinə belə bir addım atıb.

Editor.az məsələyə Daşkəsən rayon İcra Hakimiyyətinin başçısı Əhəd Abıyevin özündən münasibət öyrənib.

Portalımıza açıqlamasında icra başçısı bildirib ki, bu 1 aprel zarafatıdır:

“Məsələylə maraqlandım. Məlum oldu ki, mənimlə 1 aprel zarafatı ediblər. Axı bu gün adam aldatdı gündür. Dedim, yekə kişisiz, adamsız, başınıza söz qəhətdir, bu nə məlumatdır, yaymısız. Çingiz Abdullayev mənim dostumdur. Biz onunla qonşu olmuşuq. Düzdür, Mübariz Mənsimovda qardaşdır. Onların hər ikisinin xətrini çox istəyirəm. Daşkəsəndə kitab mağazası var ki, orada hanısa kitabın satışına qadağa qoyulsun?! Bizim rayonda ümumiyyətlə kitab mağazası yoxdur”.