Ağdam rayon təhsil idarəsinin müdiri Elmira Şükürova ilə bağlı AzFakt.com-a ilginc informasiya daxil olub. Məlumat verən mənbə bildirir ki, təhsil idarəsinin müdiri Ağdam təhsilindən qazandığı yüzminlər hesabına yaşadığı Bərdə rayon Şirvanlı kəndində həyat yoldaşı Çingiz Məmmədovun adına saysız hesabsız torpaq sahələri alaraq böyük heyvandarlıq təsərrüfatı yaradıb. 

İnformasiyalı şəxs bildirir ki, artıq Şirvanlı kəndi Elmira Şükürovanın “şəxsi” obyektinə çevrilib və təhsil şöbəsinin müdirinin həyat yoldaşını hətta yerli camaat «darğa» adlandırırlar. Belə ki, Şirvanlı yolunun üstündə Elmira xanıma məxsus bir neçə böyük mağaza və tamet sexi və kəndin mərkəzində gözəllik salonu və çayxana fəaliyyət göstərir. Bundan başqa Bərdə şəhərinin mərkəzində xanım şöbə müdirinə məxsus, hazırda arendaya verilən böyük bir supermarket var. 

Mənbə idda edir ki, Elmira Şükürovanın bütün biznes sahələrini həyat yoldaşı Çingiz Məmmədov idarə etsə də, şöbə müdiri özü şəxsən bütün işlərə ümumi nəzarəti həyata keçirir. Bir çox yerlərdə obyektlərin “alqı satqı” işlərini və qoyunçuluq təsərrüfatının genişləndirilməsi işini şəxsən Elmira Şükürova rəhbərlik edir. 

Məlumatlı şəxs bildirir ki, bu yaxınlarda Elmira Şükürova Baharlı qəsəbəsi 1 saylı orta məktəbin direktoru Elməddin Məmmədovdan 100 ədəd qoyun alaraq təsərrüfatını genişləndirib. Şöbə müdiri aldığı qoyunlara görə məktəb direktoruna 13 min manat verdiyi qeyd olunur. 

Onuda qeyd edək ki, Elmira Şükürova Ağdam təhsil şöbəsinin nəzdində olan “adı olub özü olmayan” məktəblərin əli ilə hər dövlətin on minlərlə manat vəsaitini mənimsəyir. 

Şöbə müdirinin hası məktəb direktorlarından nə qədər “hesab” alması və bu məktəblərə işləyən neçə nəfərlərin adından qazandığı pullar barədə yaxın günlərdə daha ətraflı məlumat verəcəyik.

Qarşı tərəfin mövqeyini dərc etməyə hazırıq…