Dələduzluq ittihamları, sıfır təcrübə və yüksək vəzifə: Xəqani İsmayılov necə direktor oldu?

Ana səhifə Bizimlə əlaqə

Milli Məclisin payız sessiyasının yekunları AÇIQLANDI

“Şah kargo”nun sahibi Şamil Heydərov gömrük sisiteminə nə qədər ziyan vurub?

Sumqayıtda növbəti qanunsuz tikinti: MƏMUR HİMAYƏSİ ŞÜBHƏLİ-FOTOLAR

Abşeronda “yenidənqurma” adı altında bitməyən tikinti xaosu-FOTOLAR

Əli Şəfiyevi Qaradağda KİM HİMAYƏ EDİR Kİ... - KARXANA İŞLƏDİR...

Vüqar Ələkbərov əməliyyat etdi: Məşhur müğənninin bədəni çürüyür….-FOTO

Məşhur şirkət də Eyyubovların imiş - ŞOK AÇIQLAMA

Sabunçu rayonunda qanunszu tikintiyə hansı məmur icazə verib? FOTO

“SOCAR Petroleum”da 1,2 milyardlıq müəmma:Abdulla Tağıyev Londondadır

Sosial (Bu gün, 12:31)
Dələduzluq ittihamları, sıfır təcrübə və yüksək vəzifə: Xəqani İsmayılov necə direktor oldu?

Ekologiya və Təbii Sərvətlər Nazirliyinin tabeçiliyində fəaliyyət göstərən “Azərbaycan Yaşıllaşdırma və Landştaft Quruluşu” ASC-nin nəzdindəki Suvarma sistemlərinin istismarı və təmiri idarəsinə edilən təyinat ciddi suallar doğurur. Məlumata görə, bu quruma bir gün belə real iş təcrübəsi olmayan, üstəlik dələduzluq ittihamlarında adı hallanan Xəqani İsmayılov direktor təyin edilib.
Bu təyinat təkcə kadr siyasətinə deyil, eyni zamanda dövlət qurumlarında şəffaflıq və məsuliyyət prinsiplərinə açıq meydan oxumaqdır.Məsələ burasındadır ki, sözügedən idarəyə rəis təyin olunan Xəqani İsmayılovun təhsil ixtisası və peşə hazırlığı suvarma, meliorasiya və ya landşaft quruculuğu sahəsi ilə heç bir uyğunluq təşkil etmir.Əyalətmedia.az-a verilən məlumata görə, həmin şəxs Azərbaycan Dövlət Neft və Sənaye Universitetinin məzunudur. Neft-mühəndisliyi və sənaye sahələri üzrə kadr hazırlayan bu ali məktəbin suvarma sistemlərinin istismarı və təmiri kimi spesifik və texniki bir sahə ilə hansı əlaqəsinin olduğu isə anlaşılmaz qalır.Suvarma sistemləri kənd təsərrüfatının, yaşıllaşdırma və ekoloji tarazlığın əsas dayaqlarından biridir. Bu sahə illərin təcrübəsini, mühəndislik biliklərini, meliorasiya və hidravlika üzrə ixtisaslaşmanı tələb edir. Belə olduğu halda, aidiyyəti sahədə nə təhsil, nə də uzunmüddətli iş təcrübəsi olmayan bir şəxsin bu cür məsul vəzifəyə gətirilməsi haqlı olaraq müəyyən suallar doğurur:Bu təyinat hansı meyarlar əsasında aparılıb?Peşəkar kadrlar kənarda qalaraq niyə uyğun olmayan ixtisas sahibi önə çəkilib?Burada əsas rol peşəkarlıqdır, yoxsa şəxsi münasibətlər və himayədarlıq?

Dələduzluq iddiaları fonunda təyinat

Daha narahatedici məqam isə Xəqani İsmayılovun adının dələduzluqla bağlı iddialarda çəkilməsidir. Belə bir reputasiya ilə dövlət qurumunda, xüsusilə də maliyyə və texniki resursların idarə olunduğu bir sahədə rəhbər vəzifəyə gətirilmək hansı məntiqə, hansı qanuna və hansı vicdana sığır?
Yoxsa burada “tanışlıq”, “himayədarlıq” və ya “yuxarıdan gələn tapşırıq” amili rol oynayıb?

Qeyri-rəsmi “kuratorluq” oyunu

Meşələrin İnkişafı Xidmətində baş verən son proseslər ciddi suallar və narahatlıqlar doğurur. Daxil olan məlumatlara görə, Xidmətin rəisi Ramiq Əşrəfov tərəfindən Xəqani İsmayılov qeyri-rəsmi şəkildə bir sıra Regional Meşə Təsərrüfatı Mərkəzlərinə “kurator” təyin edilib. Maraqlıdır ki, bu “təyinat” nə rəsmi əmrlə rəsmiləşdirilib, nə də ictimaiyyətə açıqlanıb.
Ən ciddi sual isə budur:
Xəqani İsmayılov kimdir və onun meşə təsərrüfatı sahəsində hansı səlahiyyəti, təhsili və ya peşəkar təcrübəsi var?
Məlum olduğu kimi, Xəqani İsmayılovun fəaliyyəti meşəçilik, ekoloji nəzarət və ya təbii sərvətlərin idarə olunması sahəsi ilə deyil, tamamilə fərqli istiqamətlərlə əlaqələndirilir. Buna baxmayaraq, onun regional mərkəzlərdə “kurator” kimi təqdim olunması, yerli rəhbərlərə göstərişlər verməsi, proseslərə müdaxilə etməsi iddiaları dolaşır.
Bu isə artıq qanunvericiliyin və idarəçilik prinsiplərinin açıq şəkildə pozulması deməkdir. Dövlət qurumlarında:

“Qeyri-rəsmi kurator” anlayışı varmı?
Rəsmi vəzifəsi olmayan şəxs hansı hüquqla regional strukturlara təsir göstərir?
Regional mərkəz rəhbərləri kimə hesabat verir: rəsmi rəhbərliyə, yoxsa qeyri-rəsmi “kuratora”?

Ekspertlərin fikrincə, belə hallar idarəetmədə xaos yaradır, məsuliyyəti bölüşdürür və korrupsiya risklərini artırır. Çünki qeyri-rəsmi səlahiyyət alan şəxs nə qanun qarşısında cavabdehdir, nə də verdiyi qərarlara görə məsuliyyət daşıyır.İctimaiyyət Ramiq Əşrəfovdan aydın cavab gözləyir:Bu səlahiyyət hansı hüquqi sənədə əsaslanır?Yoxsa meşə təsərrüfatı şəxsi münasibətlər və qeyri-rəsmi tapşırıqlar əsasında idarə olunur?Görəsən Ekologiya vəTəbii Sərvətlər naziri vəzifəsini icra edən Rəşad İsmayılovun bu oyunlardan xəbəri varmı?
Araşdırmamız davam edir.
Yazıda adı çəkilən şəxslərin cavab haqqını tanıyırıq.
Əyalətmedia.az