Qaradağ rayon İcra Hakimiyyətinin Başçısı Süleyman Mikayılovun vətəndaş Çingiz Sultanovun qanuni aldığı mülkünün sənətlərinin ləvğ edilməsi ilə bağlı cəhdlərin olmasından vətəndaş redaksiyamıza müraciət edib. Ç.Sultanov XeberFAKT.az-ın redaksiyasına bildirilib ki, “31 mart 2015-ci ildə keçirilən hərrac zamanı hərracçı Allahverdiyev İlqar Mustafa oğlu tərəfindən satışa çıxarılan, Bakı şəhəri Qaradağ rayonu, Lökbatan qəsəbəsi, Nizami küçəsi, 5C ünvanındakı mülkiyyət Sultanov Çingiz Zahid oğlu tərəfindən 23.366 (iyirmi üç min üç yüz altmış altı) manat müqabilində alınmışdır.” Ç.Sultanov qeyd edir ki, qanuni hərrac da iştirak edərək yuxarıda qeyd etdiyim mülkü almışam. Aldığım vaxtdan isə problemlərdən ayrıla bilmirəm. Qaradağ rayon idarələri mülkümün əlimdən alınması üçün rayon başçısı Süleyman Mikayılov Əmlak Komitəsinə rəsmi müraciət ünvanlayıb. 

Müraciətdə Qaradağ rayon İH başçısı S.Mikayılov Əmlak Komitəsinin rəhbərinə hərraca verilmiş mülkün səhvliklə verildiyini bəyan edir amma Komitə mülkün satıldığını və yalnız bununla bağlı məhkəmə qərarına ehtiyac olduğunu qeyd edir. 
Bakı şəhəri Qaradağ rayonu, Lökbatan qəsəbəsi, Nizami küçəsi, 5C ünvanındakı mülkün yeni sahibi olan Ç.Sultanovu Qaradağ rayon Mənzil-Kommunal Təsərrüfatı Birliyi tərəfindən Azərbaycan Respublikası 1 saylı Bakı İnzibati-İqtisadi Məhkəməsinə müraciət edilib. Məhkəmə iddiaçıların iddiasını təmin etməyib. Məhkəmə qərar verərək Ç.Sultanovu mülkiyyətçi kimi tanınmasına və qarşı tərəfin bununla bağlı iddiaçıların növbəti instansiya məhkəməsinə qərardan şikayət hüququ tanımışdır. 

Redaksiyamıza məlumat verən Ç.Sultanov qeyd edir ki, Qaradağ rayon Mənzil-Kommunal Təsərrüfatı Birliyi tərəfindən israrla mülkiyyətinin əlindən alınma cəhdinin məhs başçının şəxsi maraqlarına quluq etdiyini açıq aşkar görsətməkdədir. Bu mülkiyyətin başçı S.Mikayılovun hansı marağına quluq edəcəyi isə qeyri müəyyən olaraq qalır. Ç.Sultanov onuda qeyd edir ki rəsmi qaydada qanuni aldığı mülkiyyətini Qaradağ rayon Mənzil-Kommunal Təsərrüfatı Birliyi və ya İH başçısına bağışlamaq fikrində deyil. Qanuni mülkümü qanunsuz olaraq əlimdən almağa çalışsalarda Azərbaycan Respublikasının qanunlarının aliliyi əsas tutaraq hakim huquqlarımı qoruyaraq mülkiyyətçi hüququmu təsdiqlədi.

Qarşı tərəfi dinləməyə hazırıq.