ABŞ-nin sanksiyalarından sonra Rusiyanın “Lukoyl” şirkətinin Özbəkistandakı aktivlərinin alınması məsələsi hazırda müzakirə mövzusu deyil.

Teleqraf xəbər verir ki, bu barədə “Uzbekneftegaz”ın baş direktoru Bahodır Sıdıkov yerli KİV-ə bildirib.

Onun sözlərinə görə, “Uzbekneftegaz” şirkəti “Lukoyl” ilə Özbəkistanda birgə layihələrə təsir edəcək məhdudiyyətlərin tətbiqini müzakirə edir.

“Məncə, bu məqamda satınalma məsələsi yaranacağını düşünmürəm”, - Sıdıkov qeyd edib.

Xatırladaq ki, ABŞ Maliyyə Nazirliyi bundan əvvəl Rusiyanın neft şirkətləri “Rosneft” və “Lukoyl”, eləcə də onların 34 törəmə şirkətini yeni sanksiyalar paketinə əlavə edib. Oktyabrın ortalarında Böyük Britaniya da “Lukoyl”a sanksiya tətbiq edib. Sanksiyalardan sonra azərbaycanlı milayrder Vahid Ələkbərova məxsus şirkətin xaricdəki aktivlərinin satılacağı barədə məlumat yayılıb.