Millimizin və “Qarabağ”ın braziliyalı futbolçusu Riçard Almeyda Türkiyənin “Bursaspor” klubunun transfer hədəfinə düşüb.

Mediatv.az  xəbər verir ki, bu haqda Bursa mətbuatı yazıb.

İddiaya görə, “Bursaspor”un baş məşqçisi Pol Le Quen və klub rəhbərliyi sabaha kimi iki transferdən birini icarəyə götürməyi düşünür. Bunlardan biri “Qarabağ”ın legioneridirsə, digəri Hollandiyanın “Feyenoord” klubunun Mərakeş əsilli dayaq yarımmüdafiəçisi Kərim Əl Əhmədidir.

“Bursaspor” maddi baxımdan daha çox braziliyalının keçidində maraqlıdır. Onun transfer qiyməti 1 milyon 750 min avro göstərilir. İngiltərənin “Aston Vila” klubunun sabiq futbolçusu Kərim Əl Əhmədidə isə bu rəqəm daha iki milyon artıqdır.