Nərimanov rayonunda yerləşən Bakı Moderin Məktəbində ənənəvi olaraq "Atam, anam və mən - idmançı ailəyik" əyləncəli yarış keçirilmişdir.

Mediatv.az xəbər verir ki, yarışın keçirilməsində əsas məqsəd uşaq və yeniyetmələrin idmana cəlb olunması, onların sağlam ruhda tərbiyə olunması, idmanın kütləviliyinin artırılması, valideynlərin bir biri ilə əlaqələrinin yaradılması, asudə vaxtın səmərəli təşkili və s..
Yarışın açılış mərasimində çıxış edən Nərimanov Rayon Gənclər və İdman İdarəsinin rəisi Nəcəf Novruzov iştirakçıları salamlamış dövlət tərəfindən idmana olan qayğıdan danışmışdır. O, qeyd etmişdir ki, 2015-ci ildə ölkə idmançılarımız beynəlxalq yarışlarda 820-dən artıq medal qazanmışlar. 2016-cı ildə Rio da Janeyro şəhərində keçiriləcək XXXI yay olimpiya oyunlarına hələlik 16 idman növündə 42 idmançımız vəsiqə qazanmışdır.Bunun da səbəbi ölkəmizdə idmana olan dövlət qayğısından, beynəlxalq yarışıların ölkəmizdə keçirilməsindən, uşaq və yeniyetmələrin idmana cəlb olunmasından irəli gəlir.

Yarışda 3 komanda (hər komandanın tərkibində 10 uşaq və 10 valideyin) 10 mərhələ üzrə yarışmış, qalib gələn komandalar Bakı Modern Məktəbi tərəfindən medal və hədiyyələrlə təltif olunmuşlar.