Xəbər verdiyimiz kimi, "Qarabağ"ın Avroliqanın qrup mərhələsində rəqiblərindən olan "Anderlext"in keçmiş futbolçusu Mubarak Bussufanı geri qaytarmaq istəyi boşa çıxmışdı.

Mediatv.az goal.az-a istinadən xəbər verir ki, klub prezidenti Roje van den Stok "Lokomotiv"in yarımmüdafiəçisi ilə danışıqlar pozulmasını yerli mediaya belə aydınlaşdırıb.

"Bussufa ilə danışıqları özüm pozdum. Futbolçu "Anderlext"ə yalnız pula görə gəlirsə, o, bizə lazım deyil. Ona təklif olunan məvacib klub miqyasında astronomik məbləğ idi".
Van den Stokun sözlərinə inansaq, mərakeşli futbolçu ildə 1.25 milyon avro qazana bilərdi. Öz növbəsində, Bussufa da bu xəbəri şəxsi Tvitter səhifəsindən təkzib edib.