Yay transfer pəncərəsinin son günündə "Volfsburg" Bundesliqanın səs-küylü transferlərindən birini reallaşdırıb. "Canavarlar" "Şalke"nin gənc yarımmüdafiəçisi Yulian Draksleri heyətə qatıb.

Mediatv.az klubun rəsmi saytına istinadən xəbər verir ki, futbolçu ilə 5 illik müqavilə imzalanıb. Draksler "Volfsburg"un tarixinə ən bahalı transfer kimi düşüb. O, yeni komandasında "Mançester Siti"yə gedən Kevin de Bruynenin yoxluğunu unutdurmalıdır. Klub rəhbərliyi alman yarımmüdafiəçiyə görə 35 milyon avro ödəyib. Bu, Bundesliqa daxilində reallaşan 2-ci ən bahalı transferdir. 2013-cü ildə Mario Götze 37 milyon avro qarşılığında "Bavariya"ya qoşulmuşdu.

Qeyd edək ki, "Volfsburg" İvan Perişiç və Kevin de Bruynenin satışından toplam 100 milyon avro qazanıb. Bundesliqa təmsilçisi Drakslerlə yanaşı, Dante Bomfildi də transfer edib.