İŞİD terror qruplaşması Misirin Qahirə şəhərində kilsəyə hücuma görə məsuliyyəti üzərinə götürüb.

Mediatv.az  Trend-ə istinadən xəbər verir ki, bu barədə ekstremistlərin informasiya fəallığının monitorinqini aparan "SITE" saytı bildirir.

Misirin Daxili İşlər Nazirliyinin məlumatına əsasən, terrorçu motosikletdə kilsəyə hücum edib. Terrorçunun qarşısını almaq istəyən polis əməkdaşları və terrorçu arasında atışma baş verib. Atışma zamanı 1 polis əməkdaşı və 6 mülki vətəndaş həlak olub, 4 nəfər isə yaralanıb. Terrorçu polislər tərəfindən yarala ələ keçirilib.