İstirahət günlərində Bakıda baş vermiş yol qəzalarında 4 nəfər ölüb.

Mediatv.az  Lent.az-a istinadən xəbər verir ki, şənbə günü Suraxanı rayonu ərazisində, Hövsana gedən yolda "Cherry" markalı avtomobil 82 yaşlı qadını vurub. Bazar günü isə Sabunçuda oxşar hadisə baş verib. Zabrat qəsəbəsində "İsuzu" markalı yük avtomobili 81 yaşlı kişini öldürüb. Nərimanov rayonu Ziya Bünyadov prospektində isə 23 yaşlı oğlan "Mercedes"in altında qalaraq vəfat edib.

Daha bir piyada ölümü Bakının Qaradağ rayonu ərazisində qeydə alınıb. Hacı Zeynalabdin Tağıyev və Sahil qəsəbələrini birləşdirən yolda "VAZ 2109" markalı avtomobil 54 yaşlı kişini vurub. Piyada hadisə yerində ölüb.

Hər bir faktla bağlı cinayət işi açılıb, araşdırma aparılır.