Lenta.ru saytının yaydığı xəbərə görə, qəza iyunun 26-da baş verib. 75 yaşlı Vanda Mobli ailəsinin yanına gedəndə qarşıdan gələn maşınla toqquşmamaq üçün qəfil dönüş edib və toqquşub. Nəticədə maşın uçuruma yuvarlanıb. 

Moblinin dediyinə görə, yoldan gedən maşınların səsini eşidirmiş, amma maşından çıxıb zəng etmək, yardım istəmək üçün gücü olmayıb. Günorta havanın temperaturu 32 dərəcəyə qədər artdığından qadın maşınında qalan az miqdarda sudan qənaətlə istifadə edirmiş. Qadının axtarışı ilə ona aramsız zəng edib, cavab ala bilməyən qohumları məşğul olub. 

Bazar günü nəvəsinin həyat yoldaşı şossedə maşınla vurularaq əzilmiş bir yol nişanı görəndə şübhələnib. Yol nişanından bir az aralıdakı uçurumda isə nənəsinin maşınını görüb. Hazırda 75 yaşlı qadın xəstəxanada müalicə olunur.