Bu gün Bakıda FIA GT seriyasından olan avtoyürüşlərin Baku World Challenge adlı final mərhələsi keçirilir. Hazırda da davam edən yarışlarda ilk qəza hadisələri baş verib. Belə ki, əvvəlcə Audi komandasını təmsil edən 2 Audi R8 markalı avtomobilin pilotları idarəetməni itirərək, quraşdırılmış maneəyə çırpılıblar. Daha sonra isə dəyəri 1 milyon dollar təşkil edən Mercedes-Benz SLS AMG GT3 markalı yarış maşını divara çırpılıb. Qəza nəticəsində xəsarət alan yoxdur. Yarışlarda qısa fasilə yaranıb. Maşınlar bokslara təxliyə olunduqdan sonra yarışlar davam edir.