Bakı Apellyasiya Məhkəməsində qəsdən sağlamlığa yüngül zərər vurmada təqsirləndirilən Murat Sərvətin (soyadı şərti) barəsindəki hökmdən verilən apellyasiya şikayəti üzrə məhkəmə iclası başa çatıb.

Pravda.az-ın əldə etdiyi məlumata görə, hakim Əli Məmmmədovun sədrliyi ilə keçirilən prosesdə qərar elan olunub.

Qərara əsasən, şikayət təmin edilməyib.

İttihama görə, hadisə 26 avqust 2024-cü il tarixdə, saat 21:00 radələrində paytaxtın Nərimanov rayonu ərazisində yerləşən “DcBonne” gözəllik salonunun qarşısında qeydə alınıb.

Belə ki, həmin salonda saç stilisti işləyən Murat Sərvət zərərçəkmiş Səbinə Salahova (şərti) ilə mübahisə edib. Buna səbəb isə stilistin zərərçəkmişin ona düzəlməsi üçün vermiş olduğu saç qaynağını başqa şəxsə satmasına irad bildirməsi olub. Bu zaman Murat avtomobildə əyləşmiş vəziyyətdə əli ilə Səbinənin üz nahiyəsindən vuraraq, ona yüngül zərər yetirib.

Nərimanov Rayon Məhkəməsinin hökmü ilə o, 9 ay müddətə azadlığın məhdudlaşdırılması (elektron qolbaq) cəzasına məhkum edilib.шаблоны для dle 11.2