Dostundan maşını sürməyə götürüb.

Böyük Britaniyanın paytaxtında dünyada yeganə olan “Pagani Zonda GJ” qəzaya uğrayıb.

"Mediatv.az" xarici KİV-ə istinadən xəbər verir ki, kimliyi dəqiqləşdirilməyən sürücü idarəetməni itirərək Londonun sənaye obyektinin hasarına çırpılıb.

Zərbə o qədər güclü olub ki, “Pagani Zonda GJ”-nin ön hissəsi tamamən dağılıb.

Polis müəyyən edib ki, sürücü maşını dostundan sürməyə götürüb.

Qeyd edək ki, bu model dünyada yeganədir. Bu qəza unikal model üçün ilk deyil: 2009-cu ildə də avtomobil qəzaya uğramışdı. İlkin olaraq “supercar” “Pagani Zonda S” adını daşıyırdı, amma 2009-cu ildə qəzadan sonra avtomobilin sahibi maşını zavoda bərpa üçün qaytarıb. Avtomobil bərpa olunduqdan sonra “Zonda GJ” adını alır. Həmin vaxt o yan ətəkləri, ön spliteri, Cinque yan güzgülərini, F modelindən kuzonun bir hissəsini və bir neçə üstünlük əldə edir.  

“Pagani Zonda GJ” 3,5 saniyəyə 100 km-ə qədər sürət yığa bilər. Avtomobil 7,3 litr həcmli mühərriklə təchiz olunub, 594 at/g-dədir. Avtomobilin sahibi artıq bəyan edib ki, birinci qəzadan sonra olduğu kimi indi də avtomobili bərpa etdirəcək. Avtomobil asanlıqla 320 km/s qədər sürət yığa bilir.