- Partiyanın qurultayı ən ali orqandır. Nizamnaməyə dəyişiklik qurultayın səlahiyyətində olan məsələdir. Bilirəm ki, qurultay nümayəndələri içərisində nizamnamədə iki dəfədən artıq başqan seçilməyə qadağa qoyan maddənin dəyişdirilməsini arzu edənlər var. Əgər qurultay nümayəndələrinin çoxluğu bu təklifi dəstəkləsə, o zaman nizamnamədə dəyişiklik edilə bilər.

Amma bu məsələnin başqa bir tərəfi var. Tutaq ki, qurultay nizamnaməni dəyişdi. O zaman ortaya sual çıxacaq ki, İsa Qəmbər yenidən partiya başqanlığına namizədliyinin irəli sürülməsinə razı olacaqmı? Məncə, hətta qurultay belə bir dəyişikliyi etsə də, İsa Qəmbər öz prinsiplərinə sadiq qalaraq namizədliyinin verilməsinə razı olmayacaq. Ona görə də İsa Qəmbərin yenidən partiya başqanı olması üçün nizamnaməyə dəyişiklik etmək istəyənlərin zəhməti boşa çıxacaq.

- Bu barədə fikirlərimi dəfələrlə bildirmişəm. Mən partiyanın Divan üzvü Qubad İbadoğlunun namizədliyini dəstəkləyəcəm.

- Hər bir namizəd qurultay nümayəndələri qarşısında öz proqramı ilə çıxış edəcək. O zaman görəcəyik hansı namizəd partiyanın idarə edilməsini necə təşkil etməyi düşünür. Namizədlərin əvəzindən danışmaq istəmirəm. Amma təkliflərimi namizəd olacaq dostuma bildirəcəm. Bu barədə danışmağı tez hesab edirəm.