Qətllərin Assam ştatındakı Bodo milli azlıqlarının nümayəndələri tərəfindən törədildiyi ehtimal edilir

Hindistanda son iki gün ərzində milli zəmində baş vermiş zorakılıq halları nəticəsində ölənlərin sayı 32 nəfərə çatıb.

Söhbət Assam ştatında müsəlmandarın yaşadığı kəndlərə edilən hücumlardan gedir. Hindistan polisi ştatın kəndlərindən birində aralarında qadın və uşaqlar olmaqla daha 9 nəfərin meyidini aşkarlayıb.

Ehtimal edilir ki, qətlləri müsəlman kəndlərinə hücum edən bodo milli azlıqlarının nümayəndələri olan separatçılar törədib. Bodo icmasının nümayəndələri öz milli dövlətlərinin yaradılması uğrunda mübarizə aparırlar. Onların tez-tez Assam ştatında yaşayan müsəlmanlarla toqquşduğu bildirilir. 

Bodo icması müsəlmanların Hindistanın Assam ştatına Banqladeşdən qeyri-qanuni yolla gəldiklərini və onların torpaqlarını zəbt etdiklərini iddia edir.