Dağıntılar altında qalanların olması ehtimalı ilə əlaqədar ölənlərin sayı da arta bilər

Amerika Birləşmiş Ştatlarının cənub şərq hissəsindən keçən tornado nəticəsində ölənlərin sayı 30 nəfərə çatıb. Güclü qasırğa Alabama, Oklahoma, Missisipi və Arkanzas ştatlarında çoxsaylı dağıntılar törədib. 

Anspress-in məlumatına görə, Alabama ştatında qasırğadan ən çox ziyan çəkən şəhərlərdən biri Kimberli olub. Burada yüzlərlə evə və avtomobillərə ziyan dəyib. Bəzi evlər tamamilə dağılıb. Dağıntılar altında qalanların olması ehtimalı ilə əlaqədar ölənlərin sayı da arta bilər. 

Hidrometereoloqlar qasırğanın ölkənin şərq hissəsinə doğru irəlilədiyini xəbər verib. Vəziyyətlə əlaqədar qasırğanın keçə biləcəyi bölgələrdə əhaliyə xəbərdarlıq edilib.