Bu seçkilər azad və ədalətli deyildi.
Mediatv.az xəbər verir ki, bunu Gürcüstanın keçmiş baş naziri, Gürcüstan üçün Partiyasının lideri Georgi Qaxariya Tvitter səhifəsində yazıb.
“Seçkilərdə puldan, inzibati resurslardan sui-istifadə halları barədə ciddi düşünmək lazımdır. Dövlət sektorunun siyasi neytrallığı təmin edilməlidir. Əks halda səsvermənin mənasız şouya çevrilməsi riski var”, - Qaxariya bildirib.
Qeyd edək ki, Gürcüstan naminə Partiyası son seçkilərin birinci turunda 8 faiz səs toplamışdı. Cəmi bir neçə ay əvvəl yaranmasına baxmayaraq, partiya bütün bələdiyyələrin məşvərət orqanlarında deputat yerləri almağı bacarmışdı. Qaxariyanın özü isə Tiflis meri uğrunda mübarizədə 9 faiz səs toplaya bilmişdi.
Gürcüstanda yerli bələdiyyələrə təkrar seçkilər 30 oktyabrda keçirilib. Hakim Gürcü Arzusu təkrar seçki keçirilən 20 şəhər və rayonun 19-da qalib gəlib. Müxalifət isə total saxtakarlıq edildiyini bildirərək, seçkilərin nəticələrini tanımaqdan imtina edib.шаблоны для dle 11.2