Gürcüstanda paytaxt Tbilisi daxil olmaqla, beş böyük şəhərdə seçkinin ikinci turu keçiriləcək.

Mediatv.az xəbər verir ki, bu barədə Gürcüstan Mərkəzi Seçki Komissiyası məlumat yayıb.

Bildirilib ki, Kutaisi və Batumidə eks-prezident Mixail Saakaşvilinin “Vahid Milli Hərəkat Partiyası”nın namizədləri daha çox səs toplayıb, Tbilisi, Rustavi və Potidə isə “Gürcü Arzusu”nun namizədləri liderdirlər. Bununla belə, namizədlərin heç biri 50 faizlik limiti keçə bilməyib.

Tbilisinin hazırkı meri Kaxa Kaladze 45,32 faiz, “Vahid Milli Hərəkat Partiyası”nın namizədi Nika Melia isə 34,15 faiz səs toplayıb.

Mer seçilmək üçün səslərin 50 faizindən çoxunu toplamaq tələb olunur.

İndiyədək səslərin yarıya qədəri sayılıb.