Fransa hökuməti hesab edir ki, Avstraliya ilə sualtı qayıqlarla bağlı kontraktın pozulması inamın sarsılması deməkdir.
Mediatv.az xəbər verir ki, bunu Fransa xarici işlər naziri Jan-İv Lö Drian deyib.
“Bu hekayə hələ bitməyib. Bizim sazişimiz var və avstraliyalılar izah etməlidirlər ki, onlar bundan necə çıxmağa hazırlaşırlar. Fransa bu məsələdə böyük sərtlik nümayiş etdirmək niyyətindədir. Bizim həmçinin ABŞ-ın davranışı ilə bağlı da sualımız var”, – deyə o bildirib.
Qeyd edək ki, Avstraliya Fransa ilə 90 milyardlıq ənənəvi sualtı qayıq layihəsindən çıxdığını açıqlayıb. Kanberra bunu atom sualtı qayıqlarına sahib olmaq istəyi ilə əlaqələndirib. Avstraliya bu istiqamətdə ABŞ və Britaniya ilə çalışacağını bəyan edib.
Dünən Avstraliya, Britaniya və ABŞ AUKUS alyansı yaradıb. Alyans hərbi təhlükəsizlik sahəsində əməkdaşlığı özündə ehtiva edir.шаблоны для dle 11.2