“Ukrayna ilə ABŞ arasında müdafiə sahəsində əməkdaşlığın yeni mərhələsi başlayıb”.

Mediatv.az  xəbər verir ki, bu sözləri ABŞ-da işgüzar səfərdə olan Ukrayna Prezidenti Vladimir Zelenski tvitter səhifəsində yazıb.

O bildirib ki, ABŞ Müdafiə Nazirliyi müdafiə tərəfdaşlığının strateji əsasları ilə bağlı Ukrayna ilə saziş imzalayıb.

“Ukraynanın NATO-ya üzv olması üçün ABŞ dəstəyi olduqca vacibdir”, - deyə Zelenski yazıb.

Qeyd edək ki, sənəd ABŞ və Ukrayna müdafiə nazirləri Lloyd Ostin və Andrey Taran arasında imzalanıb.

Ukrayna Prezidenti avqustun 31-dən ABŞ-da işgüzar səfərdədir. Səfər çərçivəsində Ukrayna və ABŞ prezidentlərinin təkbətək və geniş tərkibdə görüşü nəzərdə tutulur.