Çinli infeksionist, COVID-19 üzrə Şanxay ekspert qrupunun rəhbəri Çjan Venxun koronavirus epidemiyasının ehtimal olunan ikinci dalğası haqqında danışıb.
Mediatv.az Çin mətbuatına istinadən xəbər verir ki, dünyanın aparıcı virusoloqlarından sayılan Çjan Venxunun sözlərinə görə, bu yay koronavirus pandemiyası dayandırıla bilməyəcək.
Noyabr ayında isə pandemiyanın ikinci dalğasının başlayacağı gözlənilir: “Noyabr ayından sonra da ciddi problemlə qarşılaşa bilərik. Hesab edirəm ki, epidemiyanın növbəti dalğası noyabr ətrafında baş verə bilər”.
Bununla belə Venxun qeyd edib ki, qazanılan təcrübə və nailiyyətlər sayəsində ikinci dalğanın fəsadlarının daha az olacağı ehtimal edilir.
Ancaq çinli infeksionist səhiyyə sahəsi zəif inkişaf etmiş ölkələrdə epidemiyanın ciddi fəsadlara yol açmağa davam edəcəyini də istisna etməyib.
Qeyd edək ki, dünya üzrə koronavirusa yoluxanların sayı 1,856,798-ə çatıb. 114,312 nəfər xəstəlik səbəbindən həyatını itirib.шаблоны для dle 11.2