Çexiya hökuməti koronavirus səbəbiylə bütün xarici vətəndaşların ölkəyə girişinə və Çexiya vətəndaşlarının isə ölkədən çıxışına qadağa qoyacaq.
Mediatv.az “İnterfaks” agentliyinə istinadən xəbər verir ki, qadağa 16 mart gecə yarısından etibarən qüvvəyə minəcək. Qadağa Çex Respublikasında yaşayış icazəsi olan əcnəbilərə şamil olunmayacaq. Çexiya vətəndaşlarının isə istisna hallarda ölkədən çıxışına icazə veriləcək.
Xatırladaq ki, Çexiyada 117 yoluxma faktı müəyyən edilib. Martın 12-də hökumət fövqəladə vəziyyət elan edərək Avropa Birliyinin 13 ölkəsindən olan vətəndaşların girişinə qadağa qoyub.
Koronavirusun geniş yayıldığı 15 ölkədən hər hansı birinə səfər edən vətəndaşlar üçün isə martın 14-dən etibarən məcburi karantin tətbiq edilib.шаблоны для dle 11.2