Ermənistanda Korrupsiyaya Qarşı Mübarizə Məhkəməsi Baş Prokurorluğun daha bir iddiasını icraata qəbul edib. Söhbət qeyri-qanuni yolla əldə edilmiş əmlakın dövlət xeyrinə müsadirə edilməsindən gedir.

Baş Prokurorluğun iddiası sabiq yüksək vəzifəli şəxs – Mülki Aviasiya Baş İdarəsinin (hazırda Mülki Aviasiya Komitəsi) keçmiş rəhbəri Artyom Movsesyan və onunla əlaqəli şəxslərə qarşı irəli sürülüb.
Tələb olunan əmlaklar bunlardır:
-8 daşınmaz əmlak obyektinin;
-2 nəqliyyat vasitəsinin;
-5 hüquqi şəxsə payçı kimi iştirakın;
-1 milyard 550 milyon 258 min Ermənistan dramı (təxminən 4 milyon ABŞ dolları);
və əlavə olaraq 8 milyon 419 min dramın müsadirəsi.
Məhkəmə iddianın təminatı məqsədilə ilkin təminat tədbirləri tətbiq edib.
Xatırladaq ki, Nikol Paşinyan hökuməti dövründə Ermənistanda bir neçə sabiq məmura qarşı korrupsiya və qeyri-qanuni varidatla bağlı cinayət işləri başlanıb. Bu proses çərçivəsində yüz milyonlarla dramlıq əmlakın dövlət büdcəsinə qaytarılması üçün hüquqi prosedurlar davam etdirilir.