Ukraynanın Krım vilayətinin ərazisi olan və Rusiyanın ilhaq etdiyi Sevastopol bölgəsində yanvarın 16-da səhər saatlarında Ukraynanın 10 pilotsuz uçuş aparatı (PUA) vurulub.

Mediatv.az TASS-a istinadən xəbər verir ki, bunu vilayətin qubernatoru Mixail Razvojayev tviterdə yazıb.

Onun sözlərinə görə, Rusiyanın Hərbi Hava Qüvvələri və Qara dəniz donanması dəniz üzərində Ukraynanın 10 PUA-sını zərərsizləşdirib. Qubernator akvatoriyada zərərçəkənin olmadığını da qeyd edib.

Ukraynanın rəsmi qurumları Rusiya tərəfinin iddiasına münasibət bildirməyib.

Qeyd edək ki, Sevastopolda Qara dəniz donanmasının əsas bazası yerləşdir. Ukrayna ordusu son aylar bu əraziyə bir neçə dəfə PUA ilə zərbələr endirib. Sonuncu dəfə belə hücumlardan biri yanvarın 7-də olub.

Xatırladaq ki, 2014-cü ildə Rusiya Krım yarımadasını, o cümlədən Sevastopolu ilhaq edib. Sevastopol ərazisi o vaxtdan Rusiya ilə Ukrayna arasında fikir ayrılığına səbəb olub. BMT-yə üzv dövlətlərin əksəriyyəti tərəfindən tanınan Ukraynanın inzibati bölgüsünə görə, Sevastopol Ukraynanın bir bölgəsi olaraq xüsusi statusa malik şəhərdir.шаблоны для dle 11.2