Türkiyə milli müdafiə naziri Hulusi Akar ukraynalı həmkarı Oleksi Reznikov ilə görüşüb.

“Mediatv.az” Türkiyə mediasına istinadən xəbər verir ki, görüş zamanı yerli və beynəlxalq bir sıra məsələlər müzakirə edilib.

Akar qeyd edib ki, insan itkisinin qarşısını almaq və bölgədə sülh və sabitliyi bərpa etmək üçün dərhal atəşkəsin elan edilməsi olduqca vacibdir:

“Türkiyə indiyə qədər olduğu kimi, bundan sonra da regionda sülhün təmin olunmasında və bütün səviyyələrdə humanitar yardımların çatdırılmasında üzərinə düşəni edəcək”.

Bildirilib ki, Qara Dəniz Taxıl Təşəbbüsü sənədi çərçivəsində yaradılan Birgə Koordinasiya Mərkəzi vasitəsilə 17 milyon ton taxıl Ukrayna limanlarından ehtiyacı olan ölkələrə təhlükəsiz şəkildə daşınıb.