Mediatv.az xarici KİV-ə istinadən xəbər verir ki, bu haqda Belarus müdafiə nazirinin müavini Andrey Juk açıqlama verib.O bildirib ki, Rusiya Prezidenti Vladimir Putin və Belarus Prezidenti Aleksandr Lukaşenkonun qəbul etdiyi qərara əsasən, birgə regional qüvvələrin hazırlığı və koordinasiyası oktyabrın sonundan etibarən həyata keçirilib.

Hərbi birliklərin çoxlu təlimlər keçirdiyini deyən Juk, “Bu gün regional hərbi birliklərin Rusiya-Belarus Birlik Dövlətini müdafiə etməyə hazır olduğunu söyləmək olar”, - qeyd edib.

Juk Belarus ərazisində birgə taktiki-uçuş təliminin keçiriləcəyini, il sonunda Rusiya və Belarus ordusunun Qalxan-2023 məşq-hərbi əməliyyatları həyata keçirəcəyini deyib.