Baş leytenant: Ayağı olmayanlar sürünərək döyüşə gedəcəklər

Ana səhifə Bizimlə əlaqə

Nərimanov rayon icra hakimiyyətinin vəzifəli şəxsi obyekt inşa etdirib?

Daha bir həkim qalmaqalı: “14 min manat verdim, geyimsiz fotomu paylaşdı” - VİDEO

Zaur Mikayılov iri şəhərlərdə iri məbləğləri belə “yuyur” –TƏFƏRRÜAT

"İzmir" klinikasında pasiyenti bu hala saldılar-FOTOFAKT

Gömrükçülər vətəndaşın 25 min dollarlıq saatını yoxa çıxarıb - ŞİKAYƏT

Salyan Su Meliorasiya idarəsində baş verən qanunsuzluqlar və danışan "ölü canlar"

“İmperial” MTK-nın rəhbəri nə işlər çevirirmiş

Nəsimi rayonunda binanın zirzəmisində kim qanunsuz obyekt tikir?-Video

Azərbaycan Dəmir Yolları QSC-də narazılıqlar pik həddə çatıb.

Cəmiyyət (2-02-2019, 13:30)
Baş leytenant: Ayağı olmayanlar sürünərək döyüşə gedəcəklər

Azərbaycan gəncləri Azərbaycanın gələcəyidir. Bu gün Azərbaycanın gələcəyi olaraq biz gənclərin üzərinə çox böyük vəzifələr düşür. Onlardan biri və birincisi vətənpərvər olmağımızdır. Hər bir gənc vətənpərvər olmalıdır, Vətənini sevməlidir. Vətənpərvər olmaq təkcə hərbi forma geyinib hərbçi olmaq deyil. Vətənpərvər olmaq təkcə hərbi forma geyinib səngərdə dayanmaq deyil. Hər bir insanın vətənpərvərliyi öz sahəsində Vətəninə, xalqına, millətinə vicdanla xidmət etməsidir.
Mediatv.az-ın xəbərinə görə, bunu Qarabağ qazisi, baş leytenant Kamil Musavi prezident İlham Əliyevin iştirakı ilə Bakı Konqres Mərkəzində Azərbaycan Gəncləri Gününə həsr olunan respublika toplantısında çıxış edərkən bildirib.
Kamil Musavi çıxışında qeyd edib ki, burada həm Azərbaycan Ordusunu, həm Qarabağ qazilərini təmsil edir.
“Bildirmək istəyirəm ki, biz hər zaman döyüş əhval-ruhiyyəsi ilə yaşayırıq. Biz hər zaman öz doğma torpaqlarımızı düşmən tapdağından azad etmək arzusundayıq.
Cənab Baş Komandan, bir zamanlar hücum əmri sanki yaddaşımızdan silinmişdi. Amma Aprel döyüşlərində gözlənilməyən anda Sizin “İrəli” əmri verməyiniz cəsarətli qərarlarınızdan oldu.
Siz çıxışlarınızın birində belə bir fikir söyləmişdiniz: “Biz öz doğma torpaqlarımızı heç kimə verməyəcəyik və heç bir zaman bu vəziyyətlə barışmayacağıq”. Bu fikirlərinizi dünyaya sübut etmək və öz doğma torpaqlarımızı düşmən tapdağından azad etmək üçün Azərbaycanın qeyrətli oğulları Sizin “İrəli” əmrinizə hazırdır.
Möhtərəm cənab Prezident, “İrəli” əmri verdiyiniz zaman biz qazilər də bu əmrdən kənarda qalmayacağıq. Düzdür, kimlərsə düşünər ki, bədənin hər hansısa bir üzvünü itirmiş insanlar necə döyüşə bilər? Amma ayağı olmayanlar sürünərək, gözləri görməyənlər hiss edərək döyüşə gedəcəklər. Yetər ki, xalqımız yaşasın, yetər ki, müstəqil Azərbaycanımız var olsun”, - deyə o bildirib.