Qazax şəhərində 59 ədəd partlamamış hərbi sursat aşkarlanıb.

Mediatv.az-a Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) verilən məlumata görə, Qazax şəhərinin Əhməd Seyidov küçəsində – yol kənarında yığılmış dəmir toplantısının arasından 59 ədəd partlamamış hərbi sursat (1 ədəd 37 millimetrlik top mərmisi (OR-167N), 4 ədəd 85 millimetrlik top mərmisi (BR-365), 49 ədəd 100 millimetrlik top mərmisi (44 ədəd BR-412, 3 ədəd ZBK-5, 2 ədəd O-415), 3 ədəd 122 millimetrlik top mərmisi (2 ədəd OF-56, 1 ədəd A-1-J), 1 ədəd 125 millimetrlik top mərmisi (OF-26) və 1 ədəd əl qumbarası (F-1)) aşkar edilərək götürülüb, nəticə etibarilə 20 kvadratmetr ərazi yoxlanılıb.

Ümumilikdə agentlik tərəfindən 7 aprel–3 dekabr tarixlərində Zərdab, Tərtər, Ağcabədi, Ağdam, Xocavənd, Bərdə, Füzuli, Beyləqan, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində 649 ev və həyətyanı sahə, 3 hərbi hissə, 2 kənd qəbiristanlığı, 5 kənd orta məktəbi, 2 tibb məntəqəsi, 1 metal anbarı, 30 ferma, əkin sahələri, 1 çaxır zavodu, 1 qoruq ərazisi, 1 çınqıl karxanası və 1 dəmir yolu stansiyası ərazisinə baxış keçirilib. Nəticədə 4017 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 2 ədəd piyada əleyhinə mina (OZM-72), 2 ədəd “siqnal minası” və 45 ədəd tank əleyhinə mina aşkar olunaraq zərərsizləşdirilib.