Dövlət Dəniz Administrasiyasına yeni mətbuat katibi təyin olunub.

Mediatv.az:  Modern.az-ın məlumatına görə, bu vəzifəyə keçmiş telejurnalist Tural Museyibov təyinat alıb. T.Museyibov bildirib ki, yeni işində media nümayəndələri ilə sıx əlaqədə işləməyə davam edəcək.

Qeyd edək ki, Tural Museyibov bundan əvvəl Fövqəladə Hallar Nazirliyinin (FHN) mətbuat xitmətində və Muğan Regional Mərkəzinin rəis müavini vəzifəsində çalışıb. Daha əvvəllər isə uzun müddət “Space” televiziyasında xəbər aparıcısı kimi fəaliyyət göstərib. Müseyibovun FHN-dən uzaqlaşdırılması maraqlı hadisədir.

Qeyd edək ki, Dövlət Dəniz Administrasiyasının mətbuat katibi vəzifəsini Ərsalan Əliyevtuturdu. “AzPolitika”nın məlumatına görə, Ə.Əliyev Milli Təhlükəsizlik nazirinin keçmiş müavini, general-mayor Elçin Əliyevin atasıdır. Ə.Əliyevin Dövlət Dəniz Administrasiyasının mətbuat katibi vəzifəsindən niyə və nə zaman uzaqlaşdırıldığı məlum deyil. İstisna deyil ki, Ə.Əliyev yaş məhdudiyyətinə görə təqaüdə göndərilib.