Binəqədidən insanlar evakuasiya oluna bilərlərmi?

Ana səhifə Bizimlə əlaqə

Mingəçevir şəhər Yaşıllaşdırma İdarəsinə “gül satan qız” kimdir? -DETALLAR

Abit Əliyevin “Xezer-Construction“ sevgisi - Bu dəfə 2,5 milyon...

Nərimanov rayonunda yaşıl şam ağaclarını niyə kəsirlər?- FOTOLAR/VİDEO

Masazırda qanunsuz tikinityə kim icazə verib?-VİDEO

Yasamalda sakinləri ölümlə üz-üzə gətirən təhlükəli vəziyyət VİDEO

Şirvanda ağacları kəsib yerində obyekt tikilir – Video

AHİK-lə bağlı İLGİNC İDDİALAR – Turniketlər axşam saatlarında niyə söndürülür?

Milyonluq tenderləri udan "SMTS" MMC kimə məxsusdur?

Dövlət Agentliyi 2,2 milyon manata anbar xidmətləri satın alır

Cəmiyyət (3-11-2016, 22:11)
Binəqədidən insanlar evakuasiya oluna bilərlərmi?

Binəqədidən insanlar evakuasiya oluna bilərlərmi?

Binəqədi yolu, Zabrat gölünün ətrafı, Zabrat qəsəbəsi və Masazır ərazilərində yağışdan sonra qrunt sularının yaratdığı problemlər bu gün kimi də həll olunmamış qalır.

Mediatv.az: Artıq iki həftədən çoxdur ki, qeyd etdiyimiz ərazilərdə insanlar yaranmış vəziyyətdən əziyyət çəkirlər.

Binəqədinin su altında qalmasını müxtəlif cür əsaslandıranlar oldu. Bir qrup ekspert hesab edir ki, həmin ərazilər vaxtı ilə süni şəkildə qurudulub və Şor gölünə axan suların qarşısı alınıb. Ona görə də həmin suların əraziyə yığılması nəticəsində mövcud durum yaranıb.

Digər ekspertlər isə bildirdilər ki, əsas məsələ ərazidə kanalizasiya sisteminin bərbadlığı və ya ümumiyyətlə, heç mövcud olmamasıdır. Mövcud vəziyyətdən çıxış yolu kimi hələlik qrunt sularının Fövqəladə Hallar Nazirliyinin xüsusi maşınları ilə çəkilməsi göstərildi.

Lakin məsələ ilə bağlı əsas məsuliyyəti daşıyan Binəqədi rayon İcra Hakimiyyəti heç bir açıqlama verməyib və medianın sorğularından yayınmağa çalışır.

Binəqədi rayon sakinlərinin redaksiyamıza verdikləri məlumata görə, sular çəkilsə də, bunun qarşısını almaq mümkün olmur. Çünki bir az yağıntı olan kimi yaşayış evlərinin həyəti, küçələr yenidən suyun altında qalır. Problem bu gün də əvvəlki kimi həll olunmamış qalır.

Bəs belə olan təqdirdə, insanlar evakuasiya oluna bilərlərmi?

Məsələ ilə bağlı Fövqəladə Hallar Nazirliyinin mətbuat xidmətinin rəhbəri Oqtay Bayramov musavat.com-a bildirib ki, Binəqədiyə az həcmdə də yağış yağsa, problem yaranır: “Fövqəladə Hallar Nazirliyinin orada elə bir funksiyası yoxdur. Çünki biz gedib, suyu çəkirik, növbəti gün yağış yağır, yenidən eyni vəziyyət yaranır. “Azərsu” da bildirir ki, Binəqədinin özündə və bir çox qəsəbələrində hətta elementar çirkab sularının axması üçün də kanalizasiya sistemi yoxdur. Yəni bu, ancaq icra hakimiyyətinin və “Azərsu”nun həll etməli olduğu məsələdir. Orada yaranan problemlə bağlı Fövqəladə Hallar Nazirliyinə aid heç bir məsələ yoxdur”.