Hazırda ərzaq mallarının istehsalı üzrə yerli bazarın inhisarçısı olan «Azersun» Holding bu bazar günləri ərəfəsində satış mərkəzlərinə öz məhsullarını yeni qiymətlə təqdim edib.

Mediatv.az:  Novosti.az saytı xəbər verir ki, bu barədə yerli supermarketlərdən birinin sahibi söyləyib.

Hal-hazırda məhsulların piştaxtalarda və kassa aparatında yazılan qiymətləri dəyişdirilir.

“Azersun"un demək olar ki bütün malları yeni qiymətlə gəlib. Qiymət məhsuldan asıllı olaraq 5-20 qəpik artıb”.

Dəyəri artan əsas ərzaq məhsullarının siyahısını təqdim edirik:

- duz;

- un;

- kərə yağı;

- düyü;

- şəkər;

- qənd;

- süd məhsulları.

Virtualaz.org xatırladır ki, yerli məhsulların inhisarçısı “Azersun” Holding tərəfindən qiymətlərin qalxması idxal məhsullarına gömrük rüsumlarının artımı haqqında hökumətin inqilabçı qərarı ilə eyni vaxta düşüb. Bu addım yerli istehsalı stimullaşdırmağa və idxal edilən analoqları ilə müqayisədə yerli məhsulun rəqabətə davamlılığını yüksəltməyə hesablanıb. Ancaq biz görürük ki, inhisarçılar bu addımı sabotaj etməyə və idxal məhsulunun bahalaşması ilə eyni vaxtda öz mallarının qiymətlərini artıtrmağa başlayıblar.