Azərbaycan Dövlət Aqrar Universiteti və Varşava Təbiət Elmləri arasında Avropa ittifaqının ERASMUS+ proqramı çərçivəsində imzalanan müqaviləyə əsasən Polşanın Varşava Təbiət Elmləri Universitetinin professoru Tadeusz Moskalik Aqronomluq fakültəsində semminarlara başlayıb.

Mediatv.az-a ADAU-nun mətbuat xidmətindən bildirilir ki, meşəçilik ixtisası üzrə 4-cü kurs əyani, 1 və 2-ci kurs magistr tələbələrinə səhər növbəsində, meşəçilik ixtisasi üzrə əyani 2-ci kurs və ekologiya ixtisasi üzrə 1-ci kurs tələbələrinə günorta növbəsində seminar keçilib.

Doktor, Professor Tadeusz Moskalik ixtisasca meşəçidir. Professor bir həftə ərzində aqronomluq fakültəsində meşəçilik sahəsində 8 saat seminar keçəcək.

 Qeyd edək ki, hal hazırda Azərbaycan Dövlət Aqrar Universiteti və Varşava Təbiət Elmləri arasında ERASMUS+ proqramı çərçivəsində imzalanan müqaviləyə əsasən Aqrar sahənin iqtisadiyyatı ixtisasının magistr birinci kurs tələbəsi İlkin İbrahimov  hal-hazırda Varşava Universitetində təhsil alır.