Son illər ölkədə kommunal xidmətlərlə bağlı problemlərin müəyyən qədər aradan qaldırılmasına baxmayaraq, bu sahədə görüləsi hələ çox işlər var. Xüsusən sayğacların quraşdırılması üçün pul tələb olunması əhali tərəfindən narazılıqla qarşılanır .

Mediatv.az xəbər verir ki,  Xətai rayonu İlqar Zülfuqarov 127-129 ünvanında yaşayan Kənan Əliyullayevin “AzPolitika.info”ya müraciət etməsinə səbəb də, məhz su sayğacına görə onlardan pul tələb edilməsidir.
Müraciətdə bildirilir:
“Salam, Mən Əliyullayev Kənan Əliyulla oğlu Xətai rayonu İlqar Zülfüqarov küçəsi 127-129 ünvanında yaşayıram. İki il bundan qabaq mən bu ünvanda yeni tikilidə ev almışam. O gündən bü günə kimi bizim binaya “Azərsu” tərəfindən su verilmir. Çünki “Azərsu”nun Xətai rayon şöbəsi sakinlərin hər birindən 1 su sayğacına görə 180 manat pul tələb edir. Pul verilməsə, su verilməyəcəyi bildirilir.
MTK sakinlərə kömək üçün quyu suyundan pulsuz olaraq sakinlərə verir.
Xahiş edirəm bu məsələ ilə baglı köməklik edəsiniz.”

Müraciətdə qeyd olunanlala bağlı, “Azərsu” ASC-nin mövqeyini işıqlandırmağa hazırıq.