“Karantin müddəti başa çatdıqdan dərhal sonra sənəd qəbulu və imtahanların tarixini elan edəcəyik”.
Mediatv.az xəbər verir ki, bu sözləri Dövlət İmtahan Mərkəzinin (DİM) şöbə müdiri Nigar Hüseynova Azərbaycan Televiziyasının qonağı olan zaman deyib. O bildirib ki, sənəd qəbulu onlayn aparılsa da, bunu bütün abituriyentlərə şamil etmək mümkün olmur:
“Günü bu gün sənəd qəbulunu keçirə bilərik. Ancaq burada elə bir kontingent var ki, mütləq sənəd qəbulu komissiyasına gəlməlidir. Məsələn, əsgərlik yaşı çatan oğlanlar, orta təhsilini xaricdə bitirib ali təhsilini ölkəmizdə davam etdirmək istəyənlərin sənədləri bizim məlumat bazamızda yoxdur. Bu, böyük kontingent deyil. Ancaq bizim kiməsə şərait yaradıb kiməsə yaratmamağımız düzgün deyil. Ona görə, karantin müddətinin bitməsini gözləyirik”.шаблоны для dle 11.2