"Ramiz Mehdiyevin məddahlarından biri-İsa Həbibbəylinin pulları Avropanı dolaşırmış. Vaxtilə notariat rəisi işləmiş qızı Günay Mənsimova Almaniyaya köçübmüş. Akademikin qızı xaricdə yerləşmək üçün saxta evliliyə əl atıb..." "DİA-AZ" xəbər verir ki, bunu özünün sosial şəbəkə hesabında tanınmış jurnalist Sima Babayeva yazıb.
Jurnalist daha sonra bildirir: "Bir tanışı ilə nikaha girib. Elə onun vasitəsilə saxlama kamerası tapıb Bakıdan gətirdiyi ümumən təxminən 1 milyon avro dəyərində pulu və zinyət əşyasını seyfə qoyur.
Lakin saxta ər saxta arvada qarşı saxtakarlıq edərək pulları, cəvahiratı ələ keçirib aradan çıxır. Almaniya polisi oğurluğu biləndən sonra elə həmin gün Günay Mənsimova da ölkəni tərk edir. Artıq İsa Həbibbəyli bu məsələ münasibətini bildirib.
Deyib ki, yazılanlar şişirdilib, guya pul olmayıb, qızının xeyli qızılı olub, onlar oğurlanıb… Necə deyərlər, bu hələ medalın görünən tərəfidir. Günay Mənsimova külli miqdarda avronu, dolları, zərgərlik məmulatını öz məvacibi ilə əldə edə bilməzdi.
Azərbaycan Milli Elmlər Akademiyasının prezidenti olan atası İsa Həbibbəyli, müəyyən rəhbər vəzifələr tutmuş qardaşları da halal zəhmətlə bu qədər var-dövlət toplaya bilməzdilər. Hələ bu sərvətin ölkədən necə çıxarılması da araşdırma tələb edir.
Yadıma İsa Həbibbəyylinin hazırda ev dustağı olan Ramiz Mehdiyev haqqında tərif dolu məqalələri düşür. Bəlkə var-dövlətə aparan yol o yazılardan keçirmiş. Yaşayıb bilərik..."
