Bu gün səhər saatlarında ölkə ərazisində qərb küləyi arabir güclənib.

Milli Hidrometeorologiya Xidmətinin məlumatına görə, qərb küləyi arabir Şəkidə 25 m/s, İsmayıllı, Qobustanda 24 m/s, Göyçay, Naftalan, Daşkəsəndə 20 m/s, Ağsu, Şabran, Gədəbəydə 18 m/s, Mingəçevirdə 17 m/s, Tərtər, Bərdə, Qəbələ, Qubada 16 m/s, Bakıda və Abşeron yarımadasında - Bakıda 28 m/s, Maştağada 20 m/s, Neft Daşları, Çilov adası, Binədə 19 m/s, Sumqayıtda 18 m/s, Pirallahıda 17 m/s-dək güclənib. Neft Daşları stansiyasının məlumatına əsasən, dalğanın hündürlüyü 2.9 metrə çatıb.

Maraqlıdır, Azərbaycan Dövlət Neft Şirkəti (SOCAR) Xəzər dənizində elan olunan güclü külək ilə əlaqədar bir sıra obyektlərdən işçilərin təxliyəsini həyata keçirir?
Mediatv.az-ın məlumatına görə, bununla bağlı Cebhe.info-ya açıqlama verən SOCAR-ın vitse-prezidentinin müavini İbrahim Əhmədov bildirib ki, hava şəraitinin dəyişməsi və küləyin sürətinin artması ilə əlaqədar olaraq, açıq istehsalat sahələrində aparılan işlər məhdudlaşdırılır və müvəqqəti dayandırılır:

“Bəzi dəniz meydançalarında məhdud sayda əməkdaşların müvəqqəti yerdəyişməsi ilə əməyin mühafizəsi tədbirləri gücləndirilir”.шаблоны для dle 11.2