"Rəşad Tağıyevin Şəmkir rayonuna başçı təyin olunmasından sonra insanlarda böyük ümid yarandı ki, Alimpaşa Məmmədovun dövründə təsadüfən vəzifə qazanmış, qazandığı vəzifənin statusunu başa düşməyən şəxslər nəhayət ki siyasi idarəetmədən uzaqlaşdırılacaq, əvəzində səriştəli kadrlar Rəşad Tağıyevin yeni karyera yolunda dəstəkçisi olacaqdır. Lakin Rəşad Tağıyev tam olaraq Alimpaşa Məmmədovun səriştəsiz, savadsız kadrlarının təsiri altına düşdü. Savadsızlıq, səriştəsizlik, qabiliyyətsizlik bir yana artıq bəzi kadrların əyyaşlığı Şəmkir insanlarının səbrini daşırmaqdadır". Bu barədə DİA.AZ-a göndərilən məqalədə deyilir.

Məqalədə daha sona bildirilir: "Bir neçə gün öncə baş vermiş dəhşətli avtoqəza gizlədilməyə çalışsa da, Şəmkirdə bu barədə hamı məlumatlıdır. Şəmkir rayonundan etibarlı mənbələrimizdən əldə etdiyimiz məlumata , ötən həftə, Şəmkir rayon icra hakimiyyətinə məxsus, 57-AA-181 dövlət qeydiyyat nişanlı, qara rəngli, Chevrolet Niva markalı, Sənədlər və Vətəndaşlarla İş Şöbəsinin müdiri Elgün Seyidovun şəxsi istifadəsində olan avtomobil rayon ərazisində dəhşətli avtoqəza törətmişdir. Həmin vaxt avtomobili Elgün Seyidov idarə etmiş, sərnişinləri isə Hüquq Şöbəsinin müdiri Ruslan İsmayılov və icra hakimiyyətinin digər əməkdaşı Araz Hüseynov olmuşdur. İlk baxışdan təbii hadisə kimi qiymətləndirilə bilinəcək hadisənin təfərrüatına varanda, əldə etdiyimiz məlumata görə hər 3 vəzifəli şəxs yüksək dozada spirtli içkinin təsiri altında olmuşdur. Nəticədə dövlətə məxsus avtomobillə digər avtobili əzərək, dəhşətli hadisə törətmişdirlər. Xoşbəxtlikdən hadisə nəticəsində ölən və yaralanan olmasa da, avtomobillərə ciddi ziyan dəymiş, Şəmkir rayon icra hakimiyyətinə məxsus, 57-AA-181 dövlət qeydiyyat nişanlı, qara rəngli, Chevrolet Niva markalı avtmobil yararsız hala düşmüşdür.
Maraqlıdır ki, bu gün Ölkə Prezidenti İlham Əliyev məmur vətəndaş münasibətindən, təvəzökarlıqdan danışdığı məqamda, Elgün Seyidov kimə və nəyə bu qədər arxayın olaraq, xidməti dövlət avtomobili içkili və sərxoş halda idarə etməyə curət tapmışdır ?!
RƏŞAD TAĞIYEVİN bu barədə hansı ölçü götürəcəyini Şəmkir insanları yaxından biləcəkdir".

İddia olunanlarla bağlı bütün maraqlı tərəfləri dinləməyə hazırıq..шаблоны для dle 11.2